25/11/2019
Lo projècte Prometheus sus falhas recep una subvencion europèa de 670.000 èuros
La Càtedra Educacion e Patrimòni Immaterial dels Pirenèus de l’UdL, que n’es la impulsora, amassa amb sèt sòcis mai, crearàn un musèu virtual del mond falhaire
Lo Comitat de Programacion del Programa INTERREG V A España-Francia-Andòrra (POCTEFA) 2014-2020, amassat a Jaca, resolguèt lo passat 15 d’en octòbre subvencionar lo projècte Prometheus (Fèstas del Fuòc dels Solsticis dels Pirenèus) presentat per la Càtedra Educacion e Patrimòni Immaterial dels Pirenèus de l’Universitat de Lhèida (UdL) amb 670.344,42€, correspondentas a 65% del còst total, qu’es de 1.045.729,10€.
Una de las accions principalas del projècte, qu’a dos ans de durada, serà la creacion d’un musèu virtual sul mond falhaire. Aquela fa partida d’un ensems de cinc accions consacradas a la difusion de las falhas e la siá mesa en valor, en mai de la recèrca, la senhalizacion dels pòbles falhaires e l’elaboracion de materials pedagogics, entre autras.
Prometheus es integrat per uèch sòcis: la Càtedra Educacion e Patrimòni Immaterial dels Pirenèus de l’UdL, que n’es la principala; las universitats de Barcelona e de Perpignan Via Domitia; lo Centre International de Recherche te Documentation Occitan – Institut Occitan de Cultura; lo Departament de Cultura de la Generalitat de Catalonha; lo Govèrn d’Andòrra; lo Conselh Generatz d’Aran, e lo Patronat de Promocion Economica de la Deputacion de Lhèida.
En aquela convocacion, qu’èra la darrièra dels projèctes POCTEFA 2014-2020, s’i presentèron 74 candidaturas, de les que 43 ne son estats seleccionadas. POCTEFA es un programa europèu de cooperacion territoriala transfronterera creat per fomentar lo desvolopament sostenible entre Espanha, França e Andòrra, e per refortilhar l’integracion economica e sociala.
