SIMPÒSI INTERNACIONAL DE LAS FÈSTAS DEL FUÒC DELS SOLSTICIS ALS PIRENÈUS

Lo Departament de Cultura de la Generalitat de Catalonha, per mejan de la Direccion Generala de Cultura Populara e Associacionisme Cultural, es sòci del projècte PROMETHEUS e dirigís l’accion d’impulsar la celebracion d’un simpòsi internacional que meta en valor l’investigacion, la divulgacion e la transmission del Patrimòni Cultural Immaterial de las Falhas, Haros e Brandons al delà de las frontièras territorialas.

Concrètament, lo Departament de Cultura impulsa lo Simpòsi Internacional de las Fèstas del Fuòc dels Solsticis als Pirenèus, que se debanarà al cors dels jorns 27, 28 e 29 d’octòbre a Bagà, e amb la collaboracion de Cerdanyola, ambedoas populacions falhairas.

Lo Simpòsi vòl far aflorar la coneissença locala e internacionala mejançant la recèrca e los estudis a l’entorn de las fèstas del fuòc dels solsticis als Pirenèus. Investigacion e divulgacion transfrontalièra per somar d’esfòrces, d’arguments e per far mai fòrta la representacion dins la Lista del Patrimòni Cultural Immaterial de l’Umanitat.

Lo prètzfach primordial dempuèi l’inici del projècte es estat la coordinacion entre sòcis e amb los diferents actors del territòri dels 3 Estats membres del projècte PROMETHEUS, per tal de crear un Comitat scientific territorialament representatiu, paritari e que foguèsse un rebat de la diversitat culturala e sociala qu’englòba lo mond falhaire.

Aquel Comitat es format de representants institucionals e expèrts de França, Andòrra, Aragon e Catalonha. Eles son estats los encargats de desvolopar l’orientacion e lo contengut del Simpòsi.

I aurà una primièra conferéncia inaugurala que farà balanç dels 5 ans de la candidatura de la part de la declaracion de l’UNÈSCO. Coma se pòt veire en detalh dins l’apartat correspondent del web e dins lo programa, i aurà 4 encastres que tractaràn l’organizacion e gestion territoriala de la Falhas, Haros e Brandons, la transmission e las estrategias de salvagarda, las escomesas de la gestion culturala dins lo territòri pirenenc e/o tanben lo transferiment e divulgacion del patrimòni amb la presentacion d’entitats, musèus, libres e publicacions en relacion. Per mejan de conferéncias, comunicacions e taulas redondas òm poirà expausar subjèctes divèrses coma per exemple los novèls actors, protocòls, modèls e ressorsas organizativas, aital coma novèlas aisinas per s’acarar a problematicas ligadas a la COVID, la repercussion dins los mejans de comunicacion, la sostenibilitat e futur de las fèstas, etc. S‘articularà amb agaches transversals, amb experiéncias d’autres sectors e encastres culturals e de territòris de pertot del mond.

En parallèl, se creèt entre 2019-2020 un Comitat organizatiu, format per representants del territòri, lo Departament de Cultura de la Generalitat de Catalonha e la Comuna de Bagà, amb la collaboracion de Cerdanyola e la rèsta de sòcis del projècte.

En causa de la situacion de pandemia, s’an adoptat totas las indicacions de las autoritats sanitàrias e se prendràn totas las mesuras de prevencion de besonh. En aquel sens, lo format del Simpòsi serà dual, de manièra presenciala e telematica. Òm a coordinat l’estructura, organizacion e logistica del Simpòsi per’mor que se pòsca desvolopar amb totala normalitat dins lo territòri del Berguedan.

L’assisténcia al Simpòsi es gratuita, mas cal realizar l’inscripcion prealabla a las jornadas, fach qu’a l’encòp entraïna poder obténer un certificat de participacion.

INSCRIPCIONS

Abans lo dimenge 24 d’octòbre de 2021

COMUNICACIONS

Abans lo dimenge 10 d’octòbre de 2021

isil @ulldebou (1)
FOTO: IG @ulldebou

Falhas, haros, halhes e brandons. Istòria e actualitat de la fèsta

Brandon de Régades @mathilde_lmth
FOTO: IG @mathilde_lmth

Organizacion e gestion de las fèstas de fuòc

andorra @ssoggies
FOTO: IG @ssoggies

Educacion, transmission e divulgacion per çò de la Salvagarda del Patrimòni Cultural Immaterial

FET barruera @cristinacastella
FOTO: IG @cristinacastella

COVID, sostenibilitat e futur de la fèsta

sahun @fiestasdesahun
FOTO: IG @fiestasdesahun

ORGANIZACION E COMITAT SCIENTIFIC

Marc Ballesté Escorihuela

BALLESTÉ_M

Doctor en Istòria de l’Art per l’Universitat de Lhèida. Investigador postdoctoral de la Cadièra Educacion e Patrimòni Immaterial dels Pirenèus. Professor interuniversitari e collaborador de l’Universitat Dubèrta de Catalonha. A participat dins divèrses programas de recèrca e transferiment competitiu per rapòrt al patrimòni cultural.

Lluís Bellas

BELLAS_L

Departament de Antropologia Sociala, Universitat de Barcelona (UB). Investigador predoctoral de l’Universitat de Barcelona en realizant una tèsi doctorala sus Musèus e Patrimòni Cultural Immaterial a comptar del cas de la museïzacion de Fèstas en Catalonha. Licenciat en Antropologia Sociala e Culturala (UAB, 2018) e Mastèr en Gestion del Patrimòni Cultural e Museologia (UB, 2020). Es a l’ora d’ara investigador recrutat dins lo projècte Prometheus Interreg POCTEFA UE per la creacion del Prometheus Musèu Virtual de las Fèstas del Fuòc dels Pirenèus. Los sieus interèsses de recèrca se tròban dins los airals dels Musèus de Patrimòni Cultural Immaterial (PCI), la Salvagarda e Gestion del PCI, la patrimonializacion de fèstas tradicionalas, la museologia participativa, los Musèus de Societat e las politicas culturalas.

Jean-Jacques Castéret

Brandon de Régades @mathilde_lmth

CIRDOC

Oriol Cendra Planas

CENDRA_O

A desvolopat la siá trajectòria professionala coma gestor cultural dins l’administracion publica dempuèi lo Departament de Cultura de la Generalitat de Catalonha, ont agís coma Responsable de Comunicacion Intèrna (2005). Dempuèi 2011 desvolòpa prètzfaches dins lo domeni de la cultura populara e l’associacionisme cultural. Fa partida del conselh editorial de la revista Tornaveu – Associacionisme i Cultura (dempuèi 2014), a fach partida de la Comission de Seguiment del Protocòl del Cortègi Popular de Barcelona (2018-2021) e collabòra amb divèrses mejans coma cronicaire de divulgacion de contenguts en matèria de cultura populara e comunitària.

Isabel de la Parte

andorra @ssoggies

Govern d’Andorra

Pol Fàbregas i Capdevila

FABREGAS_P

Licenciat en Geografia e Diplomat en Sciéncias Socialas per l’Universitat Autonòma de Barcelona (UAB), Mastèr en Estudis Territorials e de la Populacion per l’UAB e Pòst-Licéncia en intervencion e gestion del païsatge per la dinamizacion del patrimòni cultural per l’UAB. Trabalha a l’ora d’ara coma tecnician dins lo Departament de Cultura de la Generalitat de Catalonha, Direccion Generala de Cultura Populara e Associacionisme Cultural, ont desvolòpa prètzfaches ligats a la dinamizacion d’activitats, relacions internacionalas e protocòl, promocion e estudi de la cultura populara e tradicionala, politicas territorialas de sosten al mitan associatiu, gestion de projèctes e coordinacion d’accions culturalas entre entitats.

De formacion geo-eclectica, en parallèl consacra lo sieu temps liure a explorar lo territòri, lo païsatge sociocultural que nos fa bolegar, l’educacion enviranamentala e en léser, e a cada còp que pòt consacra estonas a la musica de raïtz e al volontariat, en pr’aicí e en pr’ailà!

Xavi Farré i Sahún

FARRÉ_X

PhD. Licenciat en Geografia (1999) e doctorat per l’Universitat de Lhèida (2014); DEA en Organizacion Territoriala e Desvolopament Regional, Universitat de Barcelona, (2001-2002); pagés de montanha per formacion familhala e fruticultor de pomas e peras dempuèi 2009, especialista en varietats autoctònas e biodiversitat cultivada. Las recèrcas actualas son en transicion ecologica e permaculturala de vergièrs, en la decreissença de l’agricultura e en la sobeiranetat alimentària. Escrivan dels libres

Foc al Faro! La Festa de les Falles al Pirineu (2012), amb Sergi Ricart (fotògraf e editor), sus la recèrca facha entre 2006 e 2011, e Foc a les mans. Un conte de falles (2015), amb Sebastià Jordan “Patxanet” (illustrador) e de divèrses articles e comunicacions sus las falhas, en mai de la tèsi doctorala Metodologia experimental en la construcció social de les muntanyes: la mesologia aplicada a l’ordenació de la unitat geogràfica del Pirineu, que tracta tanben lo tèma de las falhas.

Rafel Folch

sahun @fiestasdesahun

Especialista

Mireia Guil Egea

GUIL_M

Diplomada en Filologia Romanica (2012, UB), diplomada en Antropologia Sociala e Culturala (2018, UAB) e mastèr en Culturas Medievalas (2015, UB). Borsièra pre-doctorala (Formación Profesorado Universitario, FPU) a l’Universitat de Barcelona. A l’ora d’ara, soi a elaborar la miá tèsi doctorala sus la patrimonializacion de las “fèstas del fuòc del solstici d’estiu” inscrichas dins la Lista Representativa del PCI de l’Unèsco dempuèi 2015. Las miás linhas de recèrca comprenon los procèsses de patrimonializacion dins las doas versantas del Pirenèu, especialament, dins las zònas gasconas, palharesa e andorrana; e de manièra prioritària aqueles que son ligats a una nominacion de la part de l’Unèsco. Al delà de far la tèsi doctorala, collabòri tanben dins divèrses projèctes de recèrca e/o divulgacion per rapòrt a la cultura populara e/o PCI.

Patricia Heiniger-Casteret

Brandon de Bezins-Garraux @mathilde_lmth

CIRDOC

Sofia Isus

isil @ulldebou (1)

Doctoressa en Sciéncias de l’Educacion per l’Universitat de Barcelona. Directora de la Cadièra Educacion e Patrimòni Immaterial dels Pirenèus. Professora titulara e Coordinatritz del Mastèr en Psicopedagogia de l’Universitat de Lhèida. A dirigit divèrses projèctes de recèrca e transferiment internacionals e participat dins rets academicas. Es l’investigairitz responsabla del projècte POCTEFA Prometheus.

Xavier Pedrals

PEDRALS_X

Diplomat en istòria e magIstèr en archivistica. Prèmi de Sciéncias Socialas Caixa de Barcelona. Dirigiguèt las revistas Estudis de Berguedà (1982 – 1989) e Quaderns de l’Àmbit de Recerques del Berguedà (1991 – 1997). A publicat de libres e d’articles d’istòria locala, cultura populara e archivistica, a participat dins de congrèsses e a dispensat de corses e de conferéncias sus las meteissas tematicas. Foguèt dins los conselhs de redaccion de Plecs, suplement de l’Avenç; de l’Erol, revista cultural del Berguedà; d’Arxius; e Lligall. Foguèt director l’Archiu de la Vila de Bagà, de l’Archiu Istoric de la Ciutat de Berga e l’Archiu Comarcal del Berguedan (1987 – 2020). L’investigacion La Fia-faia: ancestral, màgica, única, obtenguèt lo prèmi de cultura populara Serra Boldú. Faguèt la proposicion de reforma de la Fèsta del 2001. Es autor de las memòrias e participèt a las gestions per que la Fia-faia foguèsse reconeguda coma Fèsta Patrimoniala d’Interès Nacional e per la siá inclusion dins lo registre coma Patrimòni Cultural Immaterial de l’Umanitat.

Oriol Riart

FET barruera @cristinacastella

Especialista

Albert Roig

ordino @srjtorres

Especialista

Xavier Roigé

FET sahun 3 @fiestasdesahun

Universitat de Barcelona

Albert Samarra i Pujol

SAMARRA_A

44 ans. Ai totjorn trabalhat dins l’Administracion publica per vocacion de servici a la comunitat. Fa mai de 30 ans que participi dins totas las manifestacions de cultura tradicionala e populara d’Andòrra la Vièlha. Soi estat cap de còla de la la Gresca Gegantera d’Andorra la Vella, membre del conselh de l’Associacion Fallaires d’Andorra la Vella, secretari de la Consòrcia de casats d’Andorra la Vella i Santa Coloma, membre de la Confraria d’Escudellaires d’Andorra la Vella, demest d’autras. Ai agut l’astre de viure fòrça intensament lo procès de presentacion de la candidatura Fuòcs del solstici d’estiu als Pirenèus dins la Lista representativa del patrimòni immaterial de l’Unèsco, al costat del coordinator de la candidatura, Joan Reguant.

Roberto Serrano

FOC_2@JANTONIROMERO.jpeg

Especialista