Es huecs des solsticis enes Pirenèus
22.00 h – Espectacle: “Es huecs des solsticis enes Pirenèus”, a cargue deth Ballet Contemporani de Catalunya.
Ubicacion: Pabelhon municipau de Bagà
Gratuit e doubèrt
INFO der espectacle:
Era companhia de dança catalana interprète ua recuperacion patrimoniau deth balet inedit “Es huecs de Sant Joan” deth compositor Robert Gerhard, e renommat pera escadença en aguest Simpòsi damb eth títol “Es huecs des solsticis enes Pirenèus”. Era musica deth balet a estat recuperada per Ficta Edicions e eth pianista Miquel Villalba damb motiu der An Gerhard. Miquel G. Font ei er encargat dera direccion artistica e era coreografia, e era companhia serà acompanhada peth madeish Miquel Villalba, qu’interpretarà en dirècte era musica deth principau representant dera musica catalana deth sègle XX.
http://www.balletcontemporanicatalunya.cat/
Huecs de Sant Joan
Eth 5 de gèr de 1970 morie, en exili de Cambridge, Robert Gerhard i Ottenwaelder, eth compositor catalan mès universau de toti es tempsi neishut 74 ans abans en Valls. Açò vò díder qu’eth 2020 se commemòre eth cinquantenari deth sòn decés e eth 2021 eth 125au anniversari dera neishença.
Ei per açò qu’es ans 2020 e 2021 son declaradi, peth Govèrn dera Generalitat de Catalonha, An Gerhard. Dus ans que deuen servir tà reivindicar aguesta grana figura nacionau e internacionau, incomprensiblament desbrembada, deth patrimòni musicau catalan. Deth vast catalòg de Robert Gerhard destaque era sua produccion entath balet: Ariel, Soireés de Barcelona, Pandora, Don Quixote e Alegrías.
Eth balet Soireés de Barcelona (1936-1938), originaument nomentat Es huecs de Sant Joan e encargat peth Coronèl W. de Basil (Balets Russi de Montecarlo), ei ua òbra mercada pera tragèdia dera Guèrra Civiu e er Exili. Ua òbra qu’a demorat, enquia ara, jamès representada damb balet. Inspirada pes hèstes deth huec des Pirenèus, eth balet abonda en melodies tradicionaus catalanes, tractades damb era radicau modernitat dera epòca, en tot conformar ua òbra que s’a convengut en considerar coma era Consacracion dera Primauera catalana.
